الانضمام للامتحان التعليمي علي واتساب

من هنا


اخبار التعليم

ازاى اتعلم الانجليزي من الافلام الاجنبية ؟

الأفلام والمسلسلات بترجمة إنجليزية لها من أجمل الطرق لتعلم اللغة الإنجليزية، وخصوصًا للمستوى المتوسط اللي بيمثل الغالبية العظمى. طول عمرنا بنشوف الأفلام بترجمة عربي، دلوقتي هتنزل الترجمة الإنجليزي، الإنجليزي بس، انسى العربي تمامًا.

1- أول شهر: هتتفرج على 10 أفلام، فيلم كل 3 أيام، هتنزل أي فيلم من اللينك ده:https://goo.gl/CaEQey ، هتنزل القاموس ده من موبايلك: ده أفضل قاموس عربي إنجليزي أندرويد وأوفلاين: https://goo.gl/X55WzC كده هتسمع الكلمات وهتقرأها مرة في الفيلم وهتكتبها على القاموس وهتسمعها تاني بالإنجليزي الأمريكان والبريطاني والأسترالي وهتقدر تحتفظ بيها كمان.
ملحوظة: لازم تتعب، متطنش الكلمات اللي مش عارفها، اقف حتى لو هتاخ في الفيلم 3 أيام، بس ترجم وحاول تخمن من السياق وركز على النطق).

شاهد أيضا  9 نماذج الوزارة فى التفاضل والتكامل للثانوىة العامة 2018

2- أول ما هتبدأ هتلاقي كلام كتير مش عارفه، اقف عنده وسجل الكلمات واحفظها وارجعلها كل نهاية فيلم.

3- بعد أول 10 أفلام، هتلاقي الكلمات اتكررت، وبقيت عارف بعض منها، وكلمات تاني جديدة هتسجلها، وبعد 30 فيلم هتلاقي الكلام متكرر بنسب 75-80% تقريبًا، أخيرًا، بعد 100 فيلم مستواك في الإنجليزي هيتنقل لمكان تاني. وهتلاقي حالك بتتكلم إنجليزي مع نفسك وتردد عبارات في الفيلم.

4- المسلسلات كمان مهمة جدًا وأسرع من الأفلام في التعلم، لأنك بتقدر تفهم السياق وتخمن معنى الجملة وبتفضل مع نفس الممثلين ونفس نغمة الصوت فترات طويلة فبتتعود على النطق الصح.

5- اختار الأفلام البسيطة الاجتماعية الغير مملة، مينفعش تختار فيلم خيال علمي معقد وتتعلم منه، ابدأ بأفلام سهلة، طايب زي إيه؟

شاهد أيضا  كتاب Express English لتعليم اللغة الانجليزية

 

دي ترشيحات لأول 10 أفلام تشوفهم بالترتيب: toy story (أنيمشن), troy (إثارة وحرب), the final destination ( رعب 5 أجزاء), frozen (أنيمشن), I am sam ( عائلي اجتماعي), whiplash (موسيقى).



وبالنسبة للمسلسلات فمفيش بداية أفضل من: breaking bad (هيخليك تفكر بالإنجليزي) هتحط أسامي الأفلام والمسلسل في اللينك اللي فوق وتحملهم بكل سهولة ومعاهم ترجمتهم الإنجليزية كمان.

في خلال 3 شهور الأجازة لو قدر تخلص ال100 فيلم هتبقى أنجزت حاجة كبيرة، وهتتنقل في اللغة لمستوى تاني خالص.

هل كان هذا المقال مفيد ؟
مفيدغير مفيد


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

  1. X
X