الانضمام للامتحان التعليمي علي واتساب

من هنا


اخبار التعليم

الاسئلة الشائعة واجاباتها حول تعلم اللغة الانجليزية

السؤال الاول : هوة انا المفروض اخد وقت قد اية واتكلم بطلاقة؟
أجابة السؤال دة بتتوقف على عوامل كتير اهمها انت هتوفر كام ساعة مذاكرة يوميا ونوعية الماتريال او المكان اللى هتدرس فية بس كأجابة عامة أو كاجابة تقريبا علمية الموضوع بياخد 8 شهور تقريبا وتبقى بتسمع وتفهم كويس اوى وبتعرف تتكلم بشكل كويس انما الكتابة والقرأة هيحتاجو تقريبا فترة 3 شهور تانى عشان تقدر تحسنهم بشكل ملحوظ.
ملحوظة: عدد ساعات المذاكرة ميقلش عن ساعتين فى اليوم ولو قل الفترة هتطول

السؤال التانى : هوة انا لو خدت كورس انجليزي هتكلم انجليزي ؟
بردو دة بيتوقف بشكل كبير على المكان والاساليب اللى بيستعملها بس كأجابة عامة اة هتتكلم بس مش زى ما أنت متخيل ، لأن اى مكان مهما كان مستواة مش هيديك أكتر من 20 % وانت بيكون عليك 80% وهنا بقى دور المكان اللى انت اخترتة انو يدلك على افضل الماتريال اللى هتحققلك هدفك فى أقل وقت ممكن ودى نادرا لما تلاقيها فى مكان ، وانت بتختار المكان حاول تدور على مكان يكون بيطبق فكرة ان الشخص اللى هيدرسك هيكون Mentor يعنى شخص هيوجهك أكتر ما هيشرحلك .

شاهد أيضا  رئاسة الوزراء: مد إجازة نصف العام الدراسي لمدة أسبوع إضافي

السؤال التالت : طيب حضرتك منحة (كذا كذا كذا ….) بيديك 500 مستوى محادثة و900 مستوى جنرال و200 مستوى بيزنس و2 كيلو خيار هل منحة … كويسة؟ هجاوبك من خلال الخبرة وبحكم انى انا شغال الى المجال دة : مبدئيا مفيش حاجة أسمها منحة هوة بس لقى ان كلمة منحة بتبقى محببة على أذن الناس فبقى يحطها وخلاص وصدقنى هما بيبقوا كسبانين فلوس كويسة اوى اوى هوة بس بيقولك كلمة منحة عشان انت بتحب تسمعها وصدقنى مش هتاخد قيمة أكتر من اللى دفعتو (هتلاقى محاضر تعبان جدا جدا ومنهج تعبان و30 شخص معاك فى المحاضرة وشقلب وأقلب ) الأنسب ليك تذاكر مع نفسك أفضل ماتروح تاخد منحة . خلى بالك الله يباركلك عشان ميضحكش عليك .

شاهد أيضا  كل الماتريال اللى ممكن تحتاجها فى تعلم الانجليزية 55 جيجا

السؤال الرابع : طيب لية كل صحابى بيروحوا كورسات ومش بينجوا ان هما يتكلموا بردو ؟
عشان انت بتتعامل مع ناس متناقضة بشكل كبير بمعنى: لو مش جاهز تستغنى عن حاجات وعادات بتعملها وناس متمسّك بيها وسلوكيات انت متبنّيها ماتضّيعش وقتك ومجهودك فى الكلام عن انك تتكلم انجليزي , لأن الانجليزي مرتبط بالتغيير بمعنى انك بتغير نمط حياتك وبتكتسب نمط حياة جديد,كمثال “بدل ما بتقعد مع زميلك على القهوة لا انتا بتذاكر انجليزي” , ” بدل ما تقعد بالساعات على الفيس بوك لا انتا بتذاكر انجليزي” زى ما أنتا شايف بتتنازل عن حاجات بتسببلك متع مؤقتة مقابل انك تطور من نفسك كـ انسان .  فلو انتا مش مهيأ نفسيا انك هتخلق عادة جديدة تماما وهيا انك هتذاكر يوميا لمدة 3 ساعات ولمدة لا تقل عن ال 8 شهور فبالتالي متتعبش نفسك ومخك وتبقى متناقض مع نفسك .

هل كان هذا المقال مفيد ؟
مفيدغير مفيد


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

  1. X
X